سعودی حکومت نے حج 2025 کے لیے میننجائٹس ویکسین لگوانا لازمی قرار دے دیا ہے۔
سعودی وزارت حج و عمرہ کے اعلان کے مطابق، حج میں شرکت کرنے والے تمام شہریوں اور غیر ملکی زائرین کو میننجائٹس ویکسین لگوانا ہوگی، ویکسینیشن کے بغیر کسی کو بھی حج کرنے کی اجازت نہیں دی جائے گی۔
وزارت کے مطابق، بغیر ویکسینیشن حج پیکجز اور رجسٹریشن ممکن نہیں ہوگی، جبکہ سعودی حکام کا کہنا ہے کہ دوران حج متعدی بیماریوں کا پھیلاؤ روکنا وقت کی اہم ضرورت بن چکا ہے۔
