افغانستان کے دارالحکومت کابل میں آئی ای ڈی دھماکے نتیجے میں 2 افراد زخمی ہو گئے۔
افغان میڈیا کے مطابق کابل میں ہونے والے آئی ای ڈی دھماکے کے دونوں زخمی افراد کو طبی امداد کیلئے مقامی اسپتال منتقل کر دیا گیا ہے۔ افغان میڈیا کے مطابق دھماکہ کابل کے علاقے پی ڈی 13 میں ہوا ہے۔
خیال رہے کہ اس سے قبل افغانستان کے صوبہ ننگرہار کے شہر جلال آباد میں بم دھماکوں کی اطلاعات سامنے آئی تھیں۔
افغان میڈیا کے مطابق ہفتے کے روز ہونے والے دھماکوں میں بارودی مواد سڑک کنارے نصب کیا گیا تھا جس میں طالبان فورسز کی ایک گاڑی کو نشانہ بنایا گیا ہے، حملے کے نتیجے میں 3 افراد جاں بحق جبکہ 20 زخمی ہوگئے ہیں۔
ننګرهار کې سیمهییز چارواکي وایي، چې نن تر غرمې مخکې شاوخوا ۱۱ بجې جلالاباد کې د طالبانو پر رنجر موټر چاودنه شوې.
چارواکي وایي، د پېښې له ځایه ۲۰ تنه ټپیان روغتون ته رسول شوي، چې اکثره یې ملکي کسان دي.#طلوعنیوز— TOLOnews (@TOLOnews) September 18, 2021
مقامی میڈیا رپورٹس کے مطابق ایک سے زائد دھماکوں کی اطلاعات ہیں تاہم اس کی تصدیق نہیں ہوسکی ہے۔
ننگرہار کے صوبائی اسپتال کے حکام کے مطابق 20 زخمیوں کو طبی امداد کیلئے ہسپتال منتقل کیا گیا ہے جن میں سے زیادہ تر عام شہری ہیں۔
اس حملے کی ذمہ داری تاحال کسی تنظیم نے قبول نہیں کی ہے۔ یہ افغانستان میں طالبان حکومت قائم ہونے کے بعد پہلا حملہ ہے۔
