سوات میں سیکیورٹی فورسز اور قانون نافذ کرنے والے اداروں نے خفیہ اطلاع پر مشترکہ آپریشن کرتے ہوئے چار دہشتگرد کو ہلاک کر دیا۔
آئی ایس پی آر کے مطابق، کارروائی سوات میں خوارج کی موجودگی کی اطلاع پر کی گئی۔ فائرنگ کے تبادلے میں 4 دہشتگرد مارے گئے، جن سے اسلحہ اور گولہ بارود بھی برآمد ہوا ہے۔
بیان میں مزید کہا گیا ہے کہ ہلاک دہشتگرد دہشتگردی کی متعدد وارداتوں میں ملوث تھے۔ پاک فوج کے ترجمان نے واضح کیا کہ سکیورٹی فورسز ملک سے دہشتگردی کے مکمل خاتمے کے لیے پرعزم ہیں۔
