ہنگو: سی ٹی ڈی اور پولیس کا مشترکہ آپریشن، کالعدم تنظیم کا کمانڈر ہلاک

ہنگو کے علاقے شناوڑی میں سی ٹی ڈی اور پولیس نے مشترکہ آپریشن کے دوران کالعدم تحریک طالبان پاکستان (TTP)  کے کمانڈر سعید کو ہلاک کر دیا۔

پولیس کے مطابق علاقے میں دہشتگردوں کی موجودگی کی اطلاع پر فورسز نے کارروائی کی، جس دوران شدید فائرنگ کا تبادلہ ہوا۔

آپریشن میں ہلاک دہشتگرد سعید، پولیس اہلکار قدرت اللہ کی شہادت میں بھی ملوث تھا۔ جبکہ اس کے دیگر ساتھی فرار ہونے میں کامیاب ہوگئے۔

سیکیورٹی ذرائع کے مطابق ہلاک دہشتگرد کے قبضے سے ایک کلاشنکوف، دو ہینڈ گرنیڈ اور افغانستان کا سم کارڈ برآمد ہوا ہے۔ فرار دہشتگردوں کی تلاش کے لیے سرچ آپریشن جاری ہے۔