باڑہ: کروڑوں روپے مالیت کی منشیات سمگل کرنے کی کوشش ناکام، سمگلر گرفتار
منشیات کے ناسور کو جڑ سے ختم کرنے کے لیے پولیس ہر ممکن اقدامات کر رہی ہے، نوجوان نسل کو اس لعنت سے بچانے کے لیے کریک ڈاؤن بلاتفریق جاری رہے گا۔ ڈسٹرکٹ پولیس آفیسر رائے مظہر اقبال
خیبر: باڑہ پولیس نے کامیاب کارروائی کرتے ہوئے ٹریکٹر لوڈر کی ڈگی میں چھپائی گئی کروڑوں روپے مالیت کی منشیات برآمد کر لی جبکہ سمگلر کو گرفتار مقدمہ درج کر لیا گیا۔
زرائع کے مطابق ڈسٹرکٹ پولیس آفیسر رائے مظہر اقبال کی ہدایت پر ضلع بھر میں منشیات فروشوں اور ان کے سہولت کاروں کے خلاف مؤثر کارروائیاں جاری ہیں۔ گزشتہ روز سرکل آفیسر باڑہ سوالزر خان کی نگرانی میں پولیس اہلکاروں نے برقمبر خیل میں خصوصی ناکہ بندی کے دوران ایک مشکوک ٹریکٹر لوڈر کو روکا تلاشی لینے پر جس کی ڈگی میں نہایت مہارت سے چھپائی گئی بھاری مقدار میں منشیات برآمد ہوئی جن میں 125 کلوگرام افیون اور 200 کلوگرام چرس شامل ہے۔
یہ بھی پڑھیں: کرم کانوائے پر حملہ کرنے والے 10 دہشتگردوں کو گرفتار کر لیا گیا
پولیس کے مطابق ایک ملزم کو گرفتار کر لیا گیا ہے جسے تفتیش کے لیے حوالات منتقل کر دیا گیا۔
ڈی پی او رائے مظہر اقبال نے کامیاب کارروائی پر پولیس ٹیم کی کارکردگی کو سراہا اور منشیات کے خلاف جاری مہم کو مزید تیز کرنے کے احکامات جاری کیے۔ ان کا کہنا تھا: "منشیات کے ناسور کو جڑ سے ختم کرنے کے لیے پولیس ہر ممکن اقدامات کر رہی ہے، نوجوان نسل کو اس لعنت سے بچانے کے لیے کریک ڈاؤن بلاتفریق جاری رہے گا۔”
