خیبر: باڑہ میں نامعلوم افراد کی فائرنگ سے ڈی ایس بی اہلکار سمیت تین افراد جاں بحق
جاں بحق افراد میں دو پولیس اہلکار شامل، جبکہ دو سول افراد شدید زخمی ہیں۔ جاں بحق افراد کی شناخت افضل، عبد الولی اور قسمت کے ناموں سے، جبکہ زخمیوں کی عابد اور محمد حسین غازی کے ناموں سے ہوئی۔ ذرائع
خیبر: باڑہ کے علاقے قمبر آباد میں نامعلوم افراد کی فائرنگ سے خیبر پولیس کے ڈی ایس بی اہلکار عبدالولی سمیت تین افراد جاں بحق جبکہ دو افراد زخمی ہو گئے۔
ذرائع کے مطابق جاں بحق افراد میں دو پولیس اہلکار شامل، جبکہ دو سول افراد شدید زخمی ہیں۔ جاں بحق افراد کی شناخت افضل، عبد الولی اور قسمت کے ناموں سے، جبکہ زخمیوں کی عابد اور محمد حسین غازی کے ناموں سے ہوئی۔
وقوعہ کے بعد پولیس افسران بھاری نفری کے ہمراہ موقع پر پہنچے، نعشوں اور زخمیوں کو ہسپتال منتقل کر دیا، جبکہ علاقے کو گھیرے میں لے کر سرچ آپریشن کا آغاز کر دیا گیا۔
یہ بھی پڑھیں: سیریز برابر؛ ویسٹ انڈیز نے 35 سال بعد پاکستان میں پہلا ٹیسٹ جیت لیا
خیال رہے کہ گزشتہ شب پشاور کے علاقے بڈھ بیر میں نامعلوم افراد نے جے یو آئی رہنماء مولانا قاضی ظہور احمد کو فائرنگ کر کے قتل کر دیا تھا۔
تین روز قبل ضلع ٹانک کے علاقے گرہ شادہ میں نامعلوم افراد نے پولس کانسٹیبل اختر زمان کا گھر نذرآتش کر دیا اور اسے اپنے ساتھ لے گئے تھے۔
