وادی تیراہ میدان میں مارٹر گولہ گرنے سے دو طلباء جانبحق جبکہ پانچ طلباء شدید زخمی ہوگئے۔
مقامی ذرائع کے مطابق وادی تیراہ میدان برقمبر خیل میں بچے سکول سے چھٹی کے بعد گھر واپس جا رہے تھے کہ بھوٹان شریف کے مقام پر نامعلوم سمت سے مارٹر گولہ بچوں کے قریب گر کر پھٹ گیا۔ جس سے چھ بچے شدید زخمی ہوگئے۔
مقامی افراد نے بچوں کو اپنی مدد آپ کے تحت تمام زخمی بچوں کو ہسپتال منتقل کر دیا جس میں عابد اللہ اور اسکی بہن زخموں کو تاب نہ لاتے ہوئے راستے میں چل بسے۔
مقامی ذرائع کے مطابق شدید زخمیوں کو پشاور منتقل کیا جا رہا ہے۔
یاد رہے اس سے پہلے بھی پیر میلہ کے علاقے میں ڈرون سے فائرنگ کے نتیجے میں 14 بچے شدید زخمی ہوئے تھے جبکہ یہ اسی طرح کا دوسرا واقعہ ہے۔
