بنوں، تحصیل بکا خیل کے علاقے غوڑہ بکا خیل میں سیکیورٹی فورسز کی کارروائی کے نتیجے میں فائرنگ کے تبادلے میں دو دہشت گرد ہلاک ہوگئے۔
ذرائع کے مطابق، اس آپریشن میں میجر عاطف اور لائنس نائیک غضنفر شدید زخمی ہوئے، جبکہ نائیک آزاد بھی زخمی ہیں۔
آپریشن کے دوران چھوٹے اور بڑے ہتھیاروں کا استعمال جاری ہے، جس کے باعث ہلاکتوں میں اضافے کا خدشہ ظاہر کیا جا رہا ہے۔سیکیورٹی فورسز کی بھاری نفری نے پورے علاقے کو گھیرے میں لے لیا ہے۔ اس کے علاوہ، علاقے میں فضائی نگرانی کے لیے ہیلی کاپٹروں کی پروازیں بھی جاری ہیں۔
یاد رہے کہ گزشتہ چند دنوں سے لکی مروت، بنوں، ڈیرہ اسماعیل خان میں مختلف حملوں میں کئی سیکیورٹی اہلکار جانبحق ہوئے ہیں۔
