جنوبی وزیرستان اپر کی تحصیل سروکئی کے علاقہ مدی جون میں فائرنگ کے واقعے میں ایک ہی خاندان کے چار افراد جان سے گئے۔
ڈی پی او پولیس جنوبی وزیرستان اپر ملک حبیب نے واقعے کی تصدیق کرتے ہوئے میڈیا کو بتایا کہ مدی جون میں نامعلوم ملزمان نے ایک موٹر کار پر فائرنگ کی، جس سے گاڑی میں موجود چاروں افراد موقع پر ہی جاں بحق ہوگئے۔ جاں بحق ہونے والے افراد کی لاشیں پوسٹ مارٹم کے لیے قریبی ہسپتال منتقل کر دی گئی ہیں۔
ڈی پی او کے مطابق چاروں افراد کا تعلق ایک ہی خاندان سے ہے اور تحصیل شکئی کے رہائشی ہیں۔
