پشاور پولیس نے پولیس لائنز مسجد میں 30 جنوری 2023 کو ہونے والے خودکش دھماکے میں ملوث دہشتگرد کو گرفتار کر لیا گیا ہے۔ پولیس کے مطابق، یہ دہشتگرد گذشتہ سال سے مختلف حملوں میں ملوث ہونے کی وجہ سے پولیس اور دیگر اداروں کے لیے مطلوب تھا۔
پولیس نے ایک مشترکہ کارروائی کے دوران اس دہشتگرد کو گرفتار کیا۔ ابتدائی تفتیش میں یہ بات سامنے آئی ہے کہ گرفتار دہشتگرد نے دیگر حملوں کی بھی ذمہ داری قبول کی ہے۔
علاوہ ازیں، گرفتار دہشتگرد کا ورسک روڈ اور اڑمر پولیس پر حملوں میں ملوث گروہ سے تعلق بھی سامنے آیا ہے۔ پولیس نے بتایا کہ ان دونوں حملوں میں استعمال ہونے والے اسلحہ اور بارود کی میچنگ بھی کی گئی ہے، جو دہشتگرد کے ملوث ہونے کی تصدیق کرتی ہے۔
یاد رہے کہ پولیس لائنز مسجد میں خودکش دھماکے میں امام مسجد اور پولیس اہلکاروں سمیت 72 افراد جاں بحق اور 157 زخمی ہوئے تھے۔
