گرمیوں میں صحت کے لئے مفید موسمی پھل
![](https://tnnurdu.com/wp-content/uploads/2024/07/imageForEntry35-1sQ-780x470.webp)
ایزل خان
گرمیوں کے موسم میں خوراک میں کچھ خاص پھل شامل کرنا صحت کے لئے بہت فائدہ مند ہے۔ یہ پھل جسم میں پانی کی کمی کو پورا کرنے میں مدد فراہم کرتے ہیں جو گرمی کے موسم میں عموماً کم ہوتی ہے۔ اس موسم میں چند ایسے پھل ہیں جو خصوصی طور پر مفید ہوتے ہیں:
آم: جسے پھلوں کا بادشاہ بھی کہا جاتا ہے، آم گرمی میں جسم کو طاقت دینے والا ایک بہترین پھل ہے۔ آم کے استعمال سے کینسر کا خطرہ کم ہوتا ہے، کولیسٹرول کو کنٹرول کرنے میں مدد ملتی ہے، حافظہ اور دماغی فعالیت کے لئے بہترین ہے، اور آنکھوں کی نظر کو بہتر بناتا ہے۔ آم میں وٹامن C اور انٹی آکسیڈنٹس کی بھرپور مقدار پائی جاتی ہے جو جسم کے لیے ضروری ہے۔
تربوز: تربوز بلڈ پریشر کو کم کرنے میں مدد دیتا ہے، اس میں وٹامن A، وٹامن C، پوٹیشیم، اور منگنیزیم بھرپور مقدار میں پائے جاتے ہیں جو جسم کو تروتازہ رکھنے میں مدد فراہم کرتے ہیں۔
آڑو: گرم موسم میں آڑو کا استعمال دل کی بیماریوں سمیت کئی مختلف بیماریوں سے بچانے میں مدد فراہم کرتا ہے۔ اس میں فائبر، وٹامن C، پوٹیشیم، اور انٹی آکسیڈنٹس پر مشتمل ہوتا ہے جو ہاضمے کے نظام کو بہتر بنانے اور جلد کو صحتمند رکھنے میں مدد فراہم کرتے ہیں۔
لیموں: صبح کے وقت پانی میں نکالے ہوئے لیموں کا استعمال صحت کے لئے بہت مفید ہے۔ یہ جسم کو ٹھنڈا رکھتا ہے، وزن کم کرنے میں مدد دیتا ہے، خون کو صاف رکھتا ہے، چہرے کی جلد کے لئے بہترین ہے، اور جسم کے پانی کی کمی کو پورا کرتا ہے۔
انناس: گرمی کے موسم میں انناس کے فوائد بھی بہت زیادہ ہیں، اس میں وٹامن C، وٹامن A، فولیک ایسڈ، اور پوٹیشیم کی بھرپور مقدار پائی جاتی ہے جو جسم کو قوت مدافعت دینے اور ہضمی نظام کو بہتر بنانے میں مدد فراہم کرتی ہے۔
ان موسمی پھلوں کو اپنی روزمرہ کی زندگی میں شامل کرکے آپ اپنی صحت کو بہتر بنا سکتے ہیں اور گرمی کے موسم میں تھکاوٹ اور کمزوری کو کم کر سکتے ہیں۔