ملک میں سونے کی قیمتوں میں اضافے کا سلسلہ بدستور جاری ہے، آج سونے کی قیمت ملکی تاریخ کی بلند ترین سطح پر پہنچ گئی۔ آل پاکستان جیمز اینڈ جیولرز ایسوسی ایشن کے مطابق، 24 قیراط سونے کا فی تولہ نرخ 2 ہزار روپے کے اضافے کے ساتھ 3 لاکھ 50 ہزار روپے ہو گیا ہے۔
رپورٹ کے مطابق، 24 قیراط 10 گرام سونا 1715 روپے مہنگا ہو کر 3 لاکھ 68 روپے میں فروخت ہوا، جبکہ 22 قیراط 10 گرام سونے کی قیمت ایک ہزار 572 روپے اضافے سے 2 لاکھ 75 ہزار 72 روپے ہو گئی۔
صرف سونا ہی نہیں بلکہ چاندی کی قیمت میں بھی نمایاں اضافہ ریکارڈ کیا گیا ہے۔ فی تولہ چاندی 59 روپے اضافے کے بعد 3 ہزار 401 روپے کی سطح پر پہنچ گئی ہے، جبکہ 10 گرام چاندی کی قیمت 51 روپے بڑھ کر 2 ہزار 915 روپے ہو چکی ہے۔
عالمی منڈی میں بھی سونے کے نرخوں میں اضافہ دیکھا گیا، جہاں فی اونس سونا 19 ڈالر بڑھ کر 3 ہزار 329 ڈالر پر پہنچ گیا ہے۔
یاد رہے کہ گزشتہ روز بھی سونے کی قیمتوں میں بڑا اضافہ دیکھنے میں آیا تھا، جب فی تولہ نرخ 8 ہزار 600 روپے کے اضافے سے 3 لاکھ 48 ہزار روپے تک جا پہنچا تھا، جبکہ 10 گرام سونا 7 ہزار 373 روپے مہنگا ہو کر 2 لاکھ 98 ہزار 353 روپے کا ہو گیا تھا۔
