ماہرین فلکیاتی نے رواں برس رمضان المبارک کے 29 روزوں کی پیشگوئی کی ہے، جس کی وجہ سے اس بار عیدالفطر پر 5 چھٹیوں کے امکانات ہیں۔
ہر سال کی طرح اس بار بھی رمضان المبارک کے آغاز سے ہی عید الفطر کے چاند کی رویت کے حوالے سے مختلف پیشگوئیاں کی جا رہی ہیں۔ اس مرتبہ رویت ہلال ریسرچ کونسل نے 31 مارچ کو عیدالفطر کے ہونے کا امکان ظاہر کیا ہے۔
ماہرین کے مطابق پاکستان کے بیشتر حصوں میں 30 مارچ کی شام کو شوال کا چاند نظر آنے کا قوی امکان ہے، اور (شرائط کے مطابق) اس روز چاند کی عمر 26 گھنٹے سے زائد ہونے کی پیشگوئی کی گئی ہے۔
اگر 30 مارچ کو عید کا چاند 29ویں روزے کو نظر آتا ہے تو عیدالفطر 31 مارچ سے 2 اپریل تک منائی جائے گی، تاہم اگر رمضان کے 30 روزے مکمل ہوتے ہیں تو عید یکم اپریل سے 4 اپریل تک منائی جائے گی۔
سرکاری سطح پر ہفتہ اور اتوار بعض سرکاری ملازمین کے لیے ویسے ہی تعطیل ہوتی ہے، لہٰذا رواں برس عید کیلئے کم از کم 5 چھٹیوں، یعنی 29 مارچ تا 2 اپریل تک، کی توقع کی جا رہی ہے۔ تاہم، عید کی چھٹیوں کا اعلان سرکاری طور پر کیا جائے گا۔
