محکمہ موسمیات نے رمضان المبارک کے آغاز میں ملک بھر میں شدید بارش اور پہاڑوں پر برفباری کی پیشگوئی کی ہے۔ محکمہ موسمیات کے مطابق، 2 اور 3 مارچ کو شدید بارشیں اور برفباری متوقع ہیں۔
محکمہ موسمیات کا کہنا ہے کہ ملک کے بیشتر علاقوں میں آج موسم خشک رہے گا، جب کہ بالائی علاقوں میں سردی کا امکان ہے۔
بالائی خیبرپختونخوا اور گلگت بلتستان میں مطلع جزوی طور پر ابر آلود رہنے کے ساتھ ساتھ چند مقامات پر گرج چمک کے ساتھ ہلکی بارش اور پہاڑوں پر برفباری کی توقع ہے۔
واضح رہے کہ گزشتہ روز ملک بھر میں رمضان المبارک کا چاند نظر نہیں آیا تھا، جس کے بعد اب پہلا روزہ کل بروز اتوار کو ہوگا۔
