محکمہ موسمیات نے پیشگوئی کی ہے کہ آج رات سے ملک کے مغربی حصوں میں ہواؤں کا ایک نیا سلسلہ داخل ہو گا، جو بارش، آندھی اور برفباری کا سبب بنے گا۔
محکمہ موسمیات کے مطابق یہ موسمی سلسلہ 2 مارچ تک برقرار رہنے کی توقع ہے۔ اس دوران اسلام آباد، پنجاب، خیبر پختونخوا، گلگت بلتستان اور کشمیر میں بارش اور پہاڑی علاقوں میں برفباری ہونے کا امکان ہے۔
کوئٹہ سمیت بلوچستان کے مختلف علاقوں میں آج سے 26 فروری کے دوران بارش اور پہاڑوں پر برفباری متوقع ہے۔ سندھ کے مختلف علاقوں میں منگل اور بدھ کے روز لاڑکانہ، قمبر شہداد کوٹ، جیکب آباد اور سکھر میں ہلکی بارش ہو سکتی ہے۔
