عوام کی آواز

قائمہ کمیٹی برائے تحفظ خوراک کے اجلاس میں گدھوں کی افزائش کا ذکر

گوادر میں گدھوں کا سلاٹر ہاؤس (مذبح) بنایا گیا ہے اور اس سے پیداوار بھی شروع ہو گئی ہے۔ حکام

قومی اسمبلی کی قائمہ کمیٹی برائے تحفظ خوراک کے اجلاس میں گدھوں کی افزائش کا ذکر بھی ہوا۔

قومی اسمبلی کی قائمہ کمیٹی برائے خوراک و تحفظ کے اجلاس میں وزارت خوراک و تحفظ کے حکام نے بتایا کہ گوادر میں گدھوں کا سلاٹر ہاؤس (مذبح) بنایا گیا ہے اور اس سے پیداوار بھی شروع ہو گئی ہے۔

حکام وزارت خوراک نے اجلاس کو بتایا کہ چین کے ساتھ گدھے کی کھال اور ہڈیوں سے متعلق معاہدہ ہوا ہے، گودار میں چینی کمپنی یہ کام کرے گی۔

یہ بھی پڑھیں: کوئٹہ: بچوں کو پولیو سے بچاؤ کے قطرے نہ پلوانے پر 5 افراد گرفتار

چیئرمین قائمہ کمیٹی نے پوچھا کہ زندہ گدھوں کو چین ایکسپورٹ کیوں نہیں کرتے جس پر حکام وزارت خوراک و تحفظ نے بتایا کہ زندہ گدھوں کی ایکسپورٹ مشکل کام ہے، ملک کے دوسرے حصوں میں بھی گدھوں کے سلاٹر ہاؤس کیلئے درخواستیں آ رہی ہیں۔

حکام نے بتایا کہ نئی چینی کمپنیوں سے گدھوں کے سلاٹر ہاؤس سے متعلق بات چیت چل رہی ہے۔ کمیٹی کے رکن رانا محمد حیات نے کہا کہ پاکستان میں گدھوں کا استعمال کم ہو رہا ہے، لوڈر رکشوں نے جگہ لے لی ہے اس لئے اچھی نسل کے گدھوں کی بریڈنگ ہونی چاہیے۔

Show More

متعلقہ پوسٹس

Back to top button