پشاور ہائیکورٹ کے لیے 10 ایڈیشنل ججز کی منظوری
فرح جمشید، اورنگزیب، انعام اللہ خان، مدثر امیر، اور ثابت اللہ کے علاوہ عبدالفیاض، صلاح الدین، صادق علی، طارق آفریدی اور اورنگزیب خان کو پشاور ہائیکورٹ میں ایڈیشنل جج تعینات کیا جائے گا۔ ذرائع
جوڈیشل کمیشن نے پشاور ہائیکورٹ کے لیے 10 ایڈیشنل ججز کی منظوری دے دی۔
یہ منظوری چیف جسٹس پاکستان یحییٰ آفریدی کی زیرصدارت جوڈیشل کمیشن کے اجلاس میں دی گئی۔
ذرائع کے مطابق فرح جمشید، اورنگزیب، انعام اللہ خان، مدثر امیر، اور ثابت اللہ کے علاوہ عبدالفیاض، صلاح الدین، صادق علی، طارق آفریدی اور اورنگزیب خان کو پشاور ہائیکورٹ میں ایڈیشنل جج تعینات کیا جائے گا۔
یہ بھی پڑھیں: بجلی کے برق رفتار میٹرز۔۔۔ کوئی بتلائے کہ ہم کیا کریں؟
ذرائع کے مطابق جوڈیشل کمیشن اجلاس میں 9 ایڈیشنل ججز کی تعیناتیوں کا ایجنڈا زیرغور تھا لیکن اجلاس کے دوران چیف جسٹس پشاور ہائیکورٹ نے 10 ایڈیشنل ججز کا مطالبہ کیا جس پر چیف جسٹس پاکستان نے اتفاق رائے کیا۔
ذرائع کا کہنا تھا کہ پشاور ہائیکورٹ کے لیے 10 ایڈیشنل ججز کی تعیناتیاں اکثریت سے ہوئی ہیں۔
ذرائع نے مزید بتایا کہ جوڈیشل کمیشن اجلاس میں 3 ممبران نے 9 کی بجائے 10 ایڈیشنل ججز لگانے پر اعتراض کیا۔
