شمالی وزیرستان: شدت پسندوں کے ساتھ جھڑپ میں آرمی آفیسر شہید؛ 3 اہلکار زخمی

شمالی وزیرستان کی تحصیل میر علی میں کالعدم تنظیم کے شدت پسندوں اور سکیورٹی فورسز کے مابین جھڑپ میں میجر حمزہ اسرار شہید اور 3 اہلکار زخمی ہو گئے۔

ذرائع کے مطابق سکیورٹی فورسز کی جانب سے انٹلی جنس بیسڈ آپریشن کے دوران ایک خودکش حملہ آور اور ایک سہولت کار کو گرفتار کر لیا گیا۔ ذرائع کے مطابق میجر کی شہادت کی ذمہ داری حافظ گل بہادر گروپ نے قبول کر لی۔

یہ بھی پڑھیں: خیبر: بعض پولیس اہلکار منشیات اسمگلروں کے سہولت کار بن گئے

زرائع کا کہنا تھا کہ شمالی وزیرستان کی تحصیل میر علی میں سیکورٹی فورسز اور شدت پسندوں کے مابین جھڑپ ہوئی جس میں تین مبینہ دہشت گرد مارے گئے ہیں جبکہ متعدد دہشت گرد زخمی بھی ہو گئے۔ دہشت گردوں کی فائرنگ سے ایک آرمی آفیسر شہید جبکہ 3 اہلکار زخمی ہو گئے ہیں

سکیورٹی ذرائع کے مطابق سکیورٹی فورسز کے انٹلیجنس بیسڈ آپریشن کے دوران ایک خودکش حملہ آور اور ایک سہولت کار کو گرفتار بھی کر لیا گیا۔