ملک کے بیشتر علاقے سردی کی لپیٹ میں، پشاور میں درجہ حرارت منفی ایک ریکارڈ
کوئٹہ سمیت بلوچستان کے شمالی علاقوں میں درجہ حرارت منفی ہونے کے بعد تالاب، جوہڑ اور سڑکوں پر پڑا پانی بھی جم گیا؛ قلات میں درجہ حرارت منفی 7، کوئٹہ میں منفی 6 ڈگری ریکارڈ
ملک کے بالائی اور میدانی علاقے سردی کی لپیٹ میں آ گئے، جبکہ اسلام آباد اور پشاور میں کم سے کم درجہ حرارت منفی ایک ریکارڈٖ کیا گیا۔
علاوہ ازیں خیبر پختونخوا کے علاقوں؛ مالم جبہ، چترال اور دیر، کے علاوہ مری، راولاکوٹ اور گلگت بلتستان کے کئی اضلاع میں بھی پارا نقطۂ انجماد سے نیچے گر گیا۔
محکمہ موسمیات کے مطابق لاہور میں کم سے کم درجہ حرارت چار اور کراچی میں 12 ڈگری ریکارڈ کیا گیا، جبکہ لاہور میں 23 دسمبر کو بارش کی پیش گوئی بھی کی گئی ہے۔
یہ بھی پڑھیں: ٹانک میں مارا گیا انتہائی مطلوب عسکریت پسند کون تھا؟
محکمہ موسمیات کے مطابق کراچی میں آج بھی تیز ہوائیں جاری رہیں گی اور سردی مزید بڑھنے کا امکان ہے۔
دوسری جانب کوئٹہ سمیت بلوچستان کے شمالی علاقوں میں درجہ حرارت منفی ہونے کے بعد تالاب، جوہڑ اور سڑکوں پر پڑا پانی بھی جم گیا؛ قلات میں درجہ حرارت منفی 7، کوئٹہ میں منفی 6 ڈگری ریکارڈ کیا گیا۔
