ملک کے بیشتر حصوں میں موسم سرد؛ بالائی علاقوں میں بارش اور برفباری کا امکان

محکمہ موسمیات نے خیبر پختونخوا سمیت ملک کے بیشتر علاقوں میں آج بھی موسم سرد جبکہ پہاڑی علاقوں میں موسم شدید سرد رہنے کی پیشگوئی کی ہے۔

محکمہ موسمیات کے مطابق شام یا رات میں بالائی خیبر پختونخوا، کشمیر اور گلگت بلتستان میں کہیں کہیں ہلکی بارش اور برفباری کا امکان ہے۔

یہ بھی پڑھیں: موسمیاتی تبدیلی اور گندم کی پیداوار: پشاور میں 3 قسم کے نئے بیج تیار

محکمہ موسمیات کے حکام نے بتایا کہ گزشتہ 24 گھنٹوں کے دوران سکردو میں کم سے کم درجہ حرارت منفی 7 ڈگری سینٹی گریڈ ریکارڈ کیا گیا جبکہ گلگت میں منفی 6، استور، ہنزہ اور کوئٹہ میں منفی 4 ڈگری سینٹی گریڈ ریکارڈ کیا گیا۔

محکمہ موسمیات کے مطابق گزشتہ روز اسلام آباد میں صفر، پشاور، مظفر آباد میں 2 ، لاہور، سرگودھا، موہنجودڑو، اور ڈیرہ اسماعیل خان میں 5، ملتان، بہاولپور اور سکھر میں 6 جبکہ کراچی میں 11 ڈگری سینٹی گریڈ ریکارڈ کیا گیا۔