جرائم
ٹانک: پولیس چوکی پر حملہ، 5 اہلکاروں سمیت 7 افراد زخمی
حملے کی اطلاع ملتے ہی پولیس کی بھاری نفری جائے وقوعہ پہنچی اور علاقے کو محاصرے میں لے لیا۔
خیبر پختونخوا کے ضلع ٹانک میں پولیس چوکی پر حملے میں 5 اہلکاروں سمیت 7 افراد زخمی ہو گئے۔
زرائع کے مطابق ضلع ٹانک میں نامعلوم مسلح افراد نے گل امام چوکی کو نشانہ بنایا، واقعے میں پانچ پولیس اہل کاروں سمیت 7 افراد زخمی ہوئے۔
یہ بھی پڑھیں: کرم:7 دن کیلئے سیزفائر، ایک دوسرے کی لاشیں، اور قیدی واپس کرنے پر اتفاق
حملے کی اطلاع ملتے ہی پولیس کی بھاری نفری جائے وقوعہ پہنچی اور علاقے کو محاصرے میں لے لیا۔
پولیس اہل کاروں کے علاوہ زخمی ہونے والوں میں مرغیاں لے جانے والی گاڑیوں کے ڈرائیور بھی شامل ہیں جنہیں ٹانک ہسپتال منتقل کر دیا گیا ہے۔ بعض زخمیوں کی حالت نازک ہونے کی بنا پر انہیں ڈیرہ اسماعیل خان ریفر کیا گیا ہے۔
