خیبر: باڑہ میں فائرنگ کے تین مختلف واقعات میں تین افراد قتل

ضلع خیبر کی تحصیل باڑہ میں تین مختلف واقعات میں مسیحی برادری سے تعلق رکھنے والے ایک شخص سمیت دو افراد کو فائرنگ کرکے قتل جبکہ ایک شخص کو زخمی کر دیا گیا۔
ررائع کے مطابق باڑہ بازار میں نامعلوم افراد نے فائرنگ کر کے طارق نامی شخص کو قتل کر دیا۔ مقتول کا تعلق مسیحی برادری سے بتایا جا رہا ہے۔
اسی طرح وادی تیراہ میں ملک دین خیل قبیلے سے تعلق رکھنے والے مویز خان نامی شخص کو نامعلوم افراد نے قتل کر دیا۔ ذرائع کے مطابق مویز خان کو دو روز قبل اپنے گھر واقع لاکہ تیگہ تیراہ سے اغوا کیا گیا تھا۔
دوسری جانب دوستوں کے ساتھ تکرار پر گورنمنٹ ہائی سکول عالم گودر کے قریب ملزم نے فائرنگ کر کے کمرخیل قبیلہ کے رحمان اللہ ولد رنگین کو شدید زخمی کر دیا، بعدازاں مجروح کو طبی امداد کیلئے ڈوگرہ ہسپتال منتقل کردیا گیا۔