بٹ خیلہ: راستے کے تنازع پر دو فریقین میں فائرنگ، 5 افراد جانبحق، 1 زخمی

بٹ خیلہ کے محلہ نوبہار میں راستے کے تنازعے پر دو فریقین کے درمیان فائرنگ کے نتیجے میں پانچ افراد جانبحق اور ایک شخص زخمی ہو گیا۔

ذرائع کے مطابق، محلہ نوبہار میں دو فریقین کے درمیان چھوٹے راستے کے استعمال پر تلخ کلامی ہوئی، جو بڑھتے بڑھتے ہاتھا پائی اور پھر فائرنگ کی صورت اختیار کر گئی۔

فائرنگ میں افتخار، بلال، منان، عبدالکبیر اور رشید خان کی موت واقع ہو گئی، جبکہ زخمی ہونے والے شخص کو ہسپتال منتقل کیا گیا ہے جہاں اس کی حالت تشویشناک بتائی جا رہی ہے۔