جنوبی وزیرستان: گاڑی پر راکٹ حملہ، سی ٹی ڈی اہلکار سمیت تین افراد جانبحق

جنوبی وزیرستان کے علاقے وانا اعظم میں گاڑی پر راکٹ حملے کے نتیجے میں تین افراد جانبحق ہوگئے۔ یہ واقعہ گزشتہ رات وانا اعظم ورسک روڈ پر دژہ غونڈئی کے علاقے میں پیش آیا۔

پولیس کے مطابق، گاڑی کو پہلے راکٹ لانچر سے نشانہ بنایا گیا بعد میں کلاشنکوف سے فائرنگ کی گئی۔ جانبحق ہونے والوں میں دو شہری مصطفیٰ اور یونس، اور ایک سی ٹی ڈی اہلکار عثمان شامل ہیں۔

یاد رہے کہ جنوبی وزیرستان میں گزشتہ ماہ ایک ہی خاندان کے چار افراد کو فائرنگ کا نشانہ بنا کر قتل کر دیا گیا تھا۔

جنوبی وزیرستان: فائرنگ کے نتیجے میں ایک ہی خاندان کے چار افراد قتل