لکی مروت: چیک پوسٹ کے قریب سیکیورٹی ادارے کی گاڑیوں پر حملہ، پانچ جوان زخمی

لکی مروت میں قبول خیل درہ تنگ چیک پوسٹ کے قریب سیکورٹی ادارے کی گاڑیوں پر حملے کے نتیجے میں پانچ جوان زخمی ہو گئے۔

ذرائع کے مطابق فورسز کی کانوائے شنواہ گڈی خیل کرک سے اٹامک انرجی پراجیکٹ قبول خیل لکی مروت جارہی تھی کہ وانڈہ مظفری ضلع لکی مروت اور وانڈہ گلاپہ ضلع لکی مروت کے درمیان برساتی نالے میں نامعلوم مسلح افراد نےحملہ کیا۔

اس حملے میں ایک صوبیدار، سمیت کل پانچ اہلکار زخمی ہوئے ہیں۔ زخمیوں کو میانوالی منتقل کر دیا گیا ہے۔

یاد رہے کہ گزشتہ کئی ہفتوں سے بنوں، لکی مروت، وزیرستان، اور خیبرپختونخوا کے چند اضلاع میں مسلسل سیکیورٹی اہلکاروں بشمول پولیس، ایف سی اور پاک فوج کے جوانوں نامعلوم افراد کے حملوں کا نشانہ بن رہے ہیں۔