مستونگ میں گرلز ہائی اسکول سول اسپتال چوک پر بم دھماکا کے نتیجے میں 7 افراد جانبحق اور 22 زخمی ہو گئے۔
پولیس ذرائع کے مطابق جانبحق افراد میں 6 سکول کے بچے اور 1 پولیس اہلکار شامل ہے جبکہ زخمیوں میں بھی زیادہ تر سکول کے بچے شامل ہیں۔
پولیس کے مطابق جانبحق اور زخمی ہونے والے بچوں کی عمریں 10 سے 13 سال کے درمیان ہیں، ریموٹ کنٹرول دھماکا خیز مواد موٹرسائیکل میں نصب تھا۔
بم دھماکے میں زخمی ہونے والوں کو ڈی ایچ کیو اسپتال منتقل کر دیا گیا۔ جبکہ دھماکے سے 1 پولیس موبائل بھی تباہ ہوئی ہے۔
