خیبرپختونخوا حکومت نے صوبے میں غیرقانونی مقیم غیرملکیوں کا کھوج لگالیا

آفتاب مہمند

خیبر پختونخوا حکومت نے صوبے میں غیرقانونی طور پر مقیم ہزاروں غیرملکیوں کا کھوج لگالیا۔

سرکاری دستاویز کے مطابق اب تک 51 ہزار سے زیادہ غیرقانونی غیر ملکیوں کا ریکارڈ مرتب کیا گیا ہے، غیرقانونی مقیم غیر ملکیوں میں 25 ہزار سے زیادہ بچے بھی شامل ہیں۔

سرکاری دستاویز میں بتایا گیا ہے کہ پشاور میں سب سے زیادہ غیرقانونی مقیم غیر ملکیوں کی تعداد 22 ہزار 752 تک ہے۔

دستاویز کےمطابق نوشہرہ 7ہزار، ڈی آئی خان 11 ہزار، مردان 1900، چارسدہ ہزار سے زائد، ملاکنڈ 207، چترال لوئر 91، سوات 7 اور لکی مروت میں 30 غیرقانونی مقیم غیر ملکیوں کا ڈیٹا اکٹھا کیا گیا۔

اس کے علاوہ ٹانک 171، ہنگو 961، مانسہرہ 2700، ایبٹ آباد 145، ہری پور ڈھائی ہزار سے زائد، کوہاٹ ڈیڑھ ہزار، ہنگو 961، بنوں 363 اور کرک میں 146 سے زیادہ غیرقانونی غیرملکیوں موجود ہیں۔

دستاویز کے مطابق خیبر میں 5 ہزار، کرم 95 اور باجوڑ میں27 غیرقانونی غیر ملکیوں کا ڈیٹا اکٹھا کیا گیا ہے۔