ایبٹ آباد میں شوہر نے فائرنگ کرکے بیوی سمیت چار افراد کو قتل کر دیا۔
پولیس کے مطابق ایبٹ آباد کے نواحی علاقہ یونین کونسل پٹن کے گاٶں لڑی پنوٹہ میں ملزم جغفر نے گھریلو جھگڑے پر مشتعل ہو کر اپنے اہلخانہ پر فائرنگ کر دی جس کے نتیجے میں ملزم کی بیوی صائمہ، سالی ارم، کرن اور سالہ ذیشان موقع پر جاں بحق ہوگئے جبکہ فائرنگ سے محمد علی نامی شخص زخمی ہوا ہے، واقعہ کے بعد ملزم فرار ہونے میں کامیاب ہوگیا ہے۔
پولیس نے بتایا کہ واقعہ کے بعد لاشوں کو ہسپتال منتقل کر دیا گیا ہے جبکہ ملزم کی گرفتاری کے لئے علاقے کو چاروں اطراف سے گھیرے میں لینے کے ساتھ ضلع بھر کے داخلی و خارجی راستوں پر ناکہ بندیاں لگائی گئی ہے۔
