جنوبی وزیرستان اور لکی مروت میں بم دھماکوں میں ایک شخص جاں بحق ہو گیا۔
مقامی پولیس نے لوئر وزیرستان وانا اعظم ورسک روڈ کے علاقے دانہ لگاڈ میں بم دھماکے کی تصدیق کرتے ہوئے بتایا کہ جاں بحق ہونے والا شخص موٹر سائیکل پر گزر رہا تھا کہ دھماکہ ہو گیا۔
بم ڈسپوزل اسکواڈ کے مطابق دھماکہ خیز مواد دانا لگاڈ میں نصب کیا گیا تھا، پولیس نے مزید تحقیقات شروع کر دیں۔
دوسری جانب لکی مروت کے علاقہ عبدالخیل کے قریب ڈی ایس پی کی گاڑی کے قریب دھماکہ ہوا جس سے گاڑی کو شدید نقصان پہنچا جبکہ ڈی ایس پی اقبال مہمند اور پولیس اہلکاران محفوظ رہے، ڈی ایس پی پولیو ٹیموں کی سیکورٹی چیک کرنے کیلئے علاقے میں گئے تھے۔
آخری اطلاعات کے مطابق پولیس اور شرپسندوں کے درمیان فائرنگ کا تبادلہ جاری تھا۔
کالعدم تحریک طالبان نے لکی مروت واقعہ کی ذمہ داری قبول کر لی ہے۔
