پاکستان سپرلیگ 7 کی افتتاحی تقریب میں اس بار میوزک اوررقص نہیں ہو گا۔
پاکستان کرکٹ بورڈ ذرائع کے مطابق پاکستان سپرلیگ (پی ایس ایل) میں اس بار روایتی رنگا رنگ تقریب کے بجائے افتتاحی تقریب سادگی سے کرنے کا فیصلہ کیا گیا ہے، ”افتتاحی تقریب میں میوزک اور رقص نہیں ہو گا۔”
پی سی بی ذرائع کے مطابق کوویڈ کی صورتحال اور لاجسٹک مسائل کے باعث گزشتہ ایڈیشنز کے برعکس 27 جنوری کو کراچی کے نیشنل اسٹیڈیم میں میچز کے آغاز سے قبل کلچرل سرگرمیاں نہیں ہوں گی، مختصر افتتاحی تقریب میں چیئرمین پی سی بی رمیز راجا خطاب کریں گے جس کے بعد میچز کا آغاز ہو گا۔
پی ایس ایل 7 کا ترانہ 20 یا 21 جنوری تک ریلیز کر دیا جائے گا، پی سی بی حکام اس حوالے سے پروگرام کو حتمی شکل دے رہے ہیں۔
