افغان پارلیمانی انتخابات احتتام پذیر،طورخم بارڈرکو ہر قسم کی آمد رفت کیلئے کھول دیا گیا

پاک افغان سرحد طورخم کو ہر قسم ٹریفک اور آمد رفت کیلئے کھول دیا گیا

تحصیلدار شکیل برکی کے مطابق افغانستان میں عام انتخابات کے احتتام پر پاک افغان سرحد کو ہر قسم کی آمدو رفت کے لئے کھول دیا گیا ہے۔

سرحد کھولنے کے بعد طورخم میں تجارتی سرگرمیاں شروع ہو گئیں اور بارڈر کے دونوں اطراف گاڑیاں رواں دواں نظر اارہی ہیں۔ دوسری جانب بارڈر کھولنے کے بعد افغان ٹرانزٹ اور نیٹو فورسز کے لئے سپلائی بھی بحال کردی گئی ہے۔

واضح رہے کہ افغانستان میں گزشتہ روز پارلیمانی انتخابات کے دوران امن و امان برقرار رکھنے کی غرض سے پاک افغان سرحد کو عارضی طور پر دو دن کے لئے بند کیا گیا تھا۔

تاہم گزشتہ روز افغان پارلیمانی انتخابات کے دوران بم دھماکوں اور حملوں میں تقریباٰ چوالیس افراد جاںبحق ہوئے تھے اور سینکڑوں زخمی ہوئے تھے۔