شمالی وزیرستان میں مختلف مقامات پر فائرنگ کے واقعات میں 5افراد کو موت کے گھاٹ اتار دیا گیا، پولیس نے تمام وارداتوں کے الگ الگ مقدمات درج کرکے تفتیش شروع کردی ہے۔
پولیس کے مطابق تپی کے علاقے میں مختلف تنازعات پر فائرنگ کے الگ الگ واقعات رونما ہوئے جس کے نتیجہ میں 5افراد جاں بحق ہوگئے۔
پولیس کا کہنا ہے کہ ضابطے کی کارروائی کے بعد نعشیں ورثاء کے حوالے کردی گئیں اور جائے وقوعہ سے شواہد اکٹھے کرکے تفتیش اور ملزمان کی تلاش شروع کردی گئی ہے۔
