ایشین ہاکی چیمپئنز ٹرافی، عمان کو آٹھ گول سے شکست کے ساتھ پاکستان کی دوسری کامیابی

عمان میں جاری ایشین ہاکی چیمپئن ٹرافی کے اپنے تیسرے میچ میں پاکستان نے میزبان ٹیم کو شکست دیدی۔

گزشتہ روز مسقط میں کھیلے گئے میچ میں پاکستان نے عمان کی ٹیم کو ایک کے مقابلے میں آٹھ گول سے شکست دیتے ہوئے ایونٹ میں اپنی دوسری کامیابی سمیٹی۔

قبل ازیں اپنے پہلے میچ میں پاکستان نے ایک کے مقابلے میں تین گول سے جنوبی کوریا کو مات دی تھی تاہم دوسرے میچ میں بھارت نے پاکستان کو تین ایک سے ہرایا تھا۔

پاکستان اپنا چوتھا میچ کل جاپان کیخلاف کھیلے گا۔

واضح رہے کہ ایشین ہاکی چیمپئنز ٹرافی میں کل چھ ٹیمیں حصہ لے رہی ہیں جن میں پاکستان، عمان، ملیشیا، جاپان، جنوبی کوریا اور انڈیا کی ٹیم شامل ہیں۔