دہشتگردی کیخلاف جنگ سے قبائلی علاقے تباہ اور لاکھوں لوگ بےگھر ہوئے۔ وزیراعظم عمران خان
سماجی رابطے کی ویب سائٹ ٹوئٹر پر اپنے ایک پیغام میں وزیراعظم عمران خان کا کہنا تھا کہ دہشت گردی کیخلاف جنگ میں پاکستان نے 75 ہزار انسانی جبکہ 123 ارب ڈالر تک کا مالی نقصان برداشت کیا لیکن امریکہ کی جانب سے پاکستان کو صرف 20 ارب ڈالر کی امداد دی گئی۔
وزیراعظم عمران خان نے امریکی صدر ڈونلڈ ٹرمپ کے پاکستان مخالف بیان پر جواب دیتے ہوئے کہا کہ تاریخ درست کرنے کی ضرورت ہے، نائن الیون میں کسی پاکستانی کے شامل نہ ہونے کے باوجود پاکستان نے امریکا کی دہشتگردی کے خلاف جنگ میں حصہ لینے کا فیصلہ کیا۔
Record needs to be put straight on Mr Trump's tirade against Pakistan: 1. No Pakistani was involved in 9/11 but Pak decided to participate in US War on Terror. 2. Pakistan suffered 75,000 casualties in this war & over $123 bn was lost to economy. US "aid" was a miniscule $20 bn.
— Imran Khan (@ImranKhanPTI) November 19, 2018
سماجی رابطے کی ویب سائٹ ٹوئٹر پر اپنے ایک پیغام میں وزیراعظم عمران خان کا کہنا تھا کہ دہشت گردی کیخلاف جنگ میں پاکستان نے 75 ہزار انسانی جبکہ 123 ارب ڈالر تک کا مالی نقصان برداشت کیا لیکن امریکہ کی جانب سے پاکستان کو صرف 20 ارب ڈالر کی امداد دی گئی۔
وزیراعظم نے کہا کہ اس جنگ میں پاکستان کے قبائلی علاقے تباہ اور لاکھوں کی تعداد میں قبائلی عوام بےگھر ہوئے۔
عمران خان کا کہنا تھا کہ پاکستان امریکی جنگ کاحصہ بنا اور اس جنگ نےعام پاکستانیوں کی زندگیوں پر تباہ کن اثرات مرتب کیے پاکستان نے پھر بھی امریکا کو مفت زمینی اور فضائی سہولت مہیا کیں۔
اپنی ٹویٹ میں عمران خان نے سوال اٹھایا کہ کیا مسٹرٹرمپ کوئی ایسےاتحادی کا نام بتاسکتے ہیں جس نے یہ قربانیاں دی ہوں۔
Instead of making Pakistan a scapegoat for their failures, the US should do a serious assessment of why, despite 140000 NATO troops plus 250,000 Afghan troops & reportedly $1 trillion spent on war in Afghanistan, the Taliban today are stronger than before.
— Imran Khan (@ImranKhanPTI) November 19, 2018
عمران خان کا کہنا تھا کہ امریکا پاکستان کوقربانی کا بکرا بنانے کے بجائے افغانستان میں اپنی ناکامیوں پرغورکرے کہ کیوں ایک لاکھ 40 ہزار، نیٹو، ڈھائی لاکھ افغان فوج کے باوجود امریکا جنگ نہ جیتا، ایک ٹریلین ڈالرزخرچ کرنے کے باوجود طالبان آج پہلے سے زیادہ مضبوط ہیں۔
واضح رہے کہ اس سے قبل ڈونلد ٹرمپ نے پاکستان پر الزام تراشی کرتے ہوئے کہا تھا کہ پاکستان کو سالانہ اربوں ڈالر دینے کے باوجود اس نے امریکہ کیلئے کچھ نہیں کیا اس لیے اس کی امداد بند کردی گئی۔
