نیپرا نے بجلی کی قیمت میں 41 پیسے فی یونٹ اضافے کی منظوری دیدی
واضح رہے کہ سینٹرل پاورپرچیزنگ ایجنسی (سی پی پی اے) کی جانب سے اکتوبر کے مہینے میں فیول ایڈجسٹمنٹ کی مد میں 60 پیسے فی یونٹ اضافے کی درخواست کی گئی تھی۔
نیشنل الیکٹرک پاور ریگولیٹری اتھارٹی (نیپرا) کی جانب سے بجلی کی قیمت میں 41 پیسے فی یونٹ اضافے کی منظوری دیدی گئی۔
واضح رہے کہ سینٹرل پاورپرچیزنگ ایجنسی (سی پی پی اے) کی جانب سے اکتوبر کے مہینے میں فیول ایڈجسٹمنٹ کی مد میں 60 پیسے فی یونٹ اضافے کی درخواست کی گئی تھی۔
اس سلسلے میں آج چیئرمین نیپرا طارق سدوزئی کی سربراہی میں بجلی کی قیمت کے حوالے سے سماعت ہوئی جس میں سی سی پی اے نے موقف اختیار کیا کہ ایل این جی کم ملنے سے پلانٹ نہیں چلائے گئے۔
سی پی پی اے کے مطابق اکتوبر میں 9 ارب 57 کروڑ یونٹ بجلی پیدا کی گئی، 20 فیصد بجلی جس میں گیس جبکہ 23 فیصد درآمد شدہ ایل این جی سے پیدا کی گئی۔
اس پر چیئرمین نیپرا نے کہا کہ ایل این جی نہ ملنا جواز نہیں تحریری جواب جمع کرائیں، فرنس آئل والے پلانٹس کو کوئلے پر چلایا جاتا تو فی یونٹ 59 پیسے کمی ہوسکتی تھی۔
نیپرا نے کوئلے اور ایل این جی والے پلانٹس کم چلائے جانے پر تشویش کا اظہار کرتے ہوئے کہا کہ ان پلانٹس چلانے سے صارفین کو زیادہ ریلیف مل سکتا تھا۔
بعدازاں نیپرا نے بجلی کی قیمت میں 41 پیسے فی یونٹ اضافے کی منظوری دی تاہم جس کا اطلاق کے الیکٹرک پر نہیں ہوگا تاہم فیصلے سے صارفین پر3 ارب 80 کروڑ روپے کا بوجھ پڑے گا۔
