ائیر مارشل عاصم ظہیر پاک فضائیہ کے نائب سربراہ مقرر
ائیر مارشل عاصم ظہیر نے پاکستان ائیر فورس میں نومبر 1984 میں جی ڈی پی برانچ میں کمیشن حاصل کیا۔
حکومت پاکستان نے ائیر مارشل عاصم ظہیر کو پاک فضائیہ کا نائب سر براہ مقرر کر دیا۔
ائیر مارشل عاصم ظہیر نے پاکستان ائیر فورس میں نومبر 1984 میں جی ڈی پی برانچ میں کمیشن حاصل کیا۔
اپنے کیرئیر کے دوران انہوں نے فائٹر اسکواڈرن، آپریشنل ائیر بیس اور پی اے ایف اکیڈمی رسالپور کی کمانڈ کی جب کہ چیف پراجیکٹ ڈائریکٹر (فالکن)کے طور پر بھی خدمات سر انجام دے چکے ہیں۔
ائیرمارشل عاصم ظہیر فرانس میں ڈیفنس اتاشی کی حیثیت سے بھی اپنے فرائض ادا کر چکے ہیں اور آج کل آپ ڈپٹی چیف آف ائیر سٹاف (ایڈمنسٹریشن) کے طور پر خدمات سر انجام دے رہے ہیں۔
پاک فضائیہ کے نائب سربراہ کمبیٹ کمانڈر اسکول، نیشنل ڈیفنس یونیورسٹی اور جنرل سٹاف کالج (جرمنی) سے فارغ التحصیل ہیں جب کہ انہوں نے وار اسٹڈیز میں ماسٹر ڈگری بھی حاصل کی، انہیں پاک فضائیہ میں شاندار خدمات پر ہلالِ امتیاز (ملٹری)سے نوازا گیا ہے۔
