مولانا فضل الرحمٰن نے اپوزیشن جماعتوں کی آل پارٹیز کانفرنس موخر کر دی
اسلام آباد میں ن لیگی رہنما راجہ ظفرالحق کے ہمراہ میڈیا سے گفتگو کرتے ہوئے امیر جمیعت کا کہنا تھا کہ حزب اختلاف کی تمام جماعتیں اس بات متفق ہیں کہ انہیں ایک پیج پر ہونا چاِہیے، اپوزیشن مستحکم اتحاد کے لیے بنیادی اصول طے کرے گی۔
جمیعت علماء اسلام ف کے امیر مولانا فضل الرحمٰن نے اپوزیشن جماعتوں کی آج ہونے والی اے پی سی موخر کردی۔
اسلام آباد میں ن لیگی رہنما راجہ ظفرالحق کے ہمراہ میڈیا سے گفتگو کرتے ہوئے امیر جمیعت کا کہنا تھا کہ حزب اختلاف کی تمام جماعتیں اس بات متفق ہیں کہ انہیں ایک پیج پر ہونا چاِہیے، اپوزیشن مستحکم اتحاد کے لیے بنیادی اصول طے کرے گی۔
مولانا فضل الرحمٰن نے کہا کہ آل پارٹیز کانفرنس بلانے سے پہلے کچھ بنیادی باتیں طے کرنی ہیں اور شہباز شریف اپوزیشن جماعتوں کے ساتھ بیٹھ کر ٹی او آرز طے کریں گے جس کے بعد ہی باضابطہ طور پر اے پی سی کو ممکن بنا سکیں گے۔
واضح رہےکہ مولانا فضل الرحمان نے 31 اکتوبر کو آل پارٹیز کانفرنس بلانے کا اعلان کیا تھا تاہم سابق وزیراعظم نوازشریف اور ن لیگ کے صدر شہبازشریف نے اس میں خود شرکت نہ کرنے کا فیصلہ کیا تھا۔
قائد ن لیگ نے اے پی سی میں شرکت کیلئے راجہ ظفرالحق کی سربراہی میں ایک پانچ رکنی وفد تشکیل دیا تھا۔
