اقوام متحدہ کی جنرل اسمبلی کا ’ہیومن رائٹس پرائز 2018ء‘ عاصمہ جہانگیر کے نام

اقوام متحدہ کی جنرل اسمبلی نے ’ہیومن رائٹس پرائز 2018ء‘ کے لیے انسانی حقوق کی سرگرم کارکن اور پاکستان میں جمہوریت اور قانون کی بالادستی کے لیے انتھک جدوجہد کرنے والی معروف وکیل عاصمہ جہانگیر کے نام کا اعلان کردیا۔

سماجی رابطے کی ویب سائٹ ٹویٹر پر اقوام متحدہ کی جنرل اسمبلی کی صدر ماریہ فرنانڈا کا ’ہیومن رائٹس پرائز برائے 2018ء کے لیے عاصمہ جہانگیر کے نام کا اعلان کرتے ہوئے کہنا تھا کہ انسانی حقوق کے لیے ان کی جدوجہد ہم سب کے لیے مشعل راہ ہے۔

خیال رہے کہ اقوام متحدہ کی جنرل اسمبلی کی جانب سے یہ انعام  شخصیات اور تنظیموں کو انسانی حقوق کے لیے کام کرنے کے اعتراف میں دیا جاتا ہے۔

رواں برس کے لیے یہ انعام عاصمہ جہانگیر کے ساتھ دیگر 2  افراد اور ایک تنظیم کو دیا گیا ہے۔

عاصمہ جہانگیر اقوام متحدہ کی جنرل اسمبلی کا یہ اعزاز حاصل کرنے والی چوتھی پاکستانی خاتون ہیں۔

اس سے قبل بیگم رعنا لیاقت علی خان، بے نظیر بھٹو اور ملالہ یوسف زئی کو اس اعزاز سے نوازا جا چکا ہے۔

یاد رہے کہ عاصمہ جہانگیر عارضہ قلب بند ہوجانے کے سبب رواں برس فروری میں جہان فانی سے کوچ کرگئی تھیں۔