کفایت شعاری مہم، حکومت کا وزیراعظم ہاؤس کی مزید 49 گاڑیاں نیلام کرنے کا فیصلہ
میڈیا رپورٹس کے مطابق گاڑیوں کا معائنہ کل وزیراعظم ہاؤس کی پارکنگ ایریا میں کیا جاسکے گا جب کہ نیلامی کا آغاز 17 اکتوبر بدھ کی صبح 11 بجے ہوگا۔
حکومت نے کفایت شعاری مہم کے تحت وزیراعظم ہاوٴس کی مزید 49 گاڑیاں نیلام کرنے کا فیصلہ کیا ہے جن میں بلٹ پروف اور نان بلٹ پروف گاڑیاں شامل ہیں۔
میڈیا رپورٹس کے مطابق گاڑیوں کا معائنہ کل وزیراعظم ہاؤس کی پارکنگ ایریا میں کیا جاسکے گا جب کہ نیلامی کا آغاز 17 اکتوبر بدھ کی صبح 11 بجے ہوگا۔
بلٹ پروف گاڑیوں میں ایل آئی 760، بی ایم ڈبلیو، مرسیڈیز، ٹویوٹا لینڈ کروزر ، لیکسس جیپ، ایکس بی ڈبلیو جبکہ نان بلٹ پروف مرسیڈیز، لیکسس جیپ، مٹسوبشی پجارو، لانسر، نسان جیپ، شروکی جیپ اور ٹویوٹا کرولا شامل ہیں۔
رپورٹس ے مطابق محکمہ کسٹمز اور ایف بی آر کو ان گاڑیوں کی نیلامی کا کام سونپا گیا ہے۔
خیال رہے کہ وزارت عظمیٰ کا عہدہ سنبھالنے کے بعد عمران خان نے کفایت شعاری پالیسی کے تحت وزیراعظم ہاؤس کے زیر استعمال اضافی گاڑیوں کی نیلامی کا حکم دیا تھا۔
گزشتہ ماہ بھی وزیراعظم ہاؤس کی 62 گاڑیاں 18 کروڑ روپے میں نیلام کی گئی تھیں جب کہ 8 بھینسیں 23 لاکھ 2 ہزار روپے میں فروخت کی گئی تھیں۔
