قطرنے پاکستان کے ایک لاکھ ہنرمند افراد کو ملازمتیں دینے کی پیشکش کر دی

قطرنے پاکستان کے ایک لاکھ ہنرمند افراد کو ملازمتیں دینے کی پیشکش کی ہے۔

میڈیا رپورٹس کے مطابق وزیرخارجہ شاہ محمود قریشی نے نیویارک میں قطری ہم منصب محمد بن عبدالرحمن سے ملاقات کی جس میں دونوں ممالک کے درمیان دوطرفہ تعلقات اور تعاون کو فروغ دینے پر اتفاق کیا گیا۔

علاوہ ازیں ملاقات میں خارجہ امور پر گفتگو ہوئی اور اس دوران قطری وزیر خارجہ نے ایک لاکھ ہنرمند پاکستانیوں کو ملازمتیں دینے کی پیشکش بھی کی۔

واضح رہے کہ وزیر خارجہ شاہ محمود قریشی اس وقت اقوام متحدہ کے جنرل اسمبلی اجلاس میں شرکت کے لیے نیویارک میں موجود ہیں جہاں ان کی امریکی صدر ٹرمپ کے ساتھ بھی غیررسمی ملاقات ہوئی ہے۔