محرم الحرام کا چاند دیکھنے کیلئے مرکزی رویت ہلال کمیٹی کا اجلاس آج کراچی میں ہو رہا ہے

نئے اسلامی سال کے آغاز اور محرم الحرام 1440 ہجری کا چاند دیکھنے کیلئے مرکزی رویت ہلال کمیٹی کا اجلاس 10 ستمبر کو کراچی میں ہو رہا ہے۔

نئے اسلامی سال کا آغاز محرم الحرام کے مہینے سے ہوتا ہے،جس کا چاند دیکھنے کے لیے مرکزی رویت ہلال کمیٹی مفتی منیب کی صدارت میں آج محکمہ موسمیات میں مرکزی اجلاس کرے گی، جب کہ زونل کمیٹیوں کے اجلاس لاہور، کوئٹہ اور پشاورمیں ہوں گے۔ اجلاس میں محکمہ موسمیات کے نمائندے بھی شریک ہوں گے۔

محکمہ موسمیات کے مطابق پیر کے روز محرم الحرام کا چاند نظر آنے کے قوی امکانات ہیں، تاہم اس کا حتمی اور شرعی اعلان مرکزی رویت ہلال کمیٹی کے چیئرمین مفتی منیب الرحمان کریں گے۔ محرم الحرام کا چاند11 ستمبر کو نظر آنے کی صورت میں یوم عاشور20 ستمبر کو ہونے کا امکان ہے، تاہم اس کا حتمی اور شرعی فیصلہ اجلاس میں ہوگا۔

علاوہ ازیں ملک بھر میں محرم الحرام کے دوران سیکیورٹی کے سخت انتظامات کئے جا رہے ہیں، جب کہ امن و امان کو یقینی بنانے کے لیے سیکیورٹی پلان تیار کرلیا گیا ہے