کورکمانڈرز کانفرنس، آپریشن ردالفساد میں پیش رفت اور خطے کی جیو سٹریٹیجک صورتحال پر تبادلہ خیال

آرمی چیف جنرل قمر جاوید باجوہ کی زیر صدارت کور کمانڈرز کانفرنس ہوئی جس میں خطے کی جغرافیائی سٹریٹجک صورتحال کا جائزہ لیا گیا۔

پاک فوج کے شعبہ تعلقاتِ عامہ کی جانب سے جاری بیان کے مطابق اجلاس میں آپریشن ردالفساد میں پیش رفت کا جائزہ لیا گیا اور خطے کی جیو سٹریٹیجک صورتحال پر تبادلہ خیال کیا گیا۔

اجلاس کے موقع پر کورکمانڈرز نے یوم دفاع پر شہداء کو زبردست خراج تحسین بھی پیش کیا۔

اجلاس سے خطاب کرتے ہوئے پاک فوج کے سربراہ جنرل قمر جاوید باجوہ کا کہنا تھا کہ شہداء کے خاندانوں سے مل کر ان کی قربانیوں اور خدمات کا اعتراف کیاجائے۔