آرمی چیف کی وزیراعظم سے ہفتے میں تیسری ملاقات، امریکی حکام کے دورے پر تبادلہ خیال

وزیراعظم عمران خان سےآرمی چیف جنرل قمرجاویدباجوہ نےملاقات کی۔ملاقات میں  قومی سلامتی امور ، پاک افغان تعلقات پر گفتگو ہوئی۔

چیف آف ارمی سٹاف نے وزیر اعظم کو دہشتگردی کیخلاف آپریشنز پر بریفنگ دیدی اور شہداء تقریب میں شرکت کی دعوت دی گئی۔

میڈیا رپورٹس کے مطابق وزیراعظم عمران خان اورآرمی چیف جنرل قمر جاوید باجوہ کے درمیان ملاقات وزیراعظم ہاؤس میں ہوئی جس میں سکیورٹی سمیت دیگرامورپرتبادلہ خیال کیاگیا۔

واضح رہے کہ پچھلے آٹھ دنوں میں آرمی چیف اور وزیر اعظم عمران خان کے درمیان تیسری ملاقات ہے۔

دونوں رہنماؤں نےقومی سلامتی کےامور،سرحدوں اورخطے کی صورتحال سمیت اہم معاملات پرمشاورت کی،آرمی چیف نے وزیرِاعظم کودہشت گردی کےخلاف جاری آپریشنز پربریفنگ بھی دی۔ ذرائع کے مطابق ملاقات میں امریکی وزیرِ خارجہ مائیک پومپیو کے مجوزہ دورے پر بھی مشاورت کی گئی اورایف اے ٹی ایف کی سفارشات پر عملدرآمد کا بھی جائزہ لیاگیا۔