خیبرپختونخوا، دو تین روز تک مطلع ابر آلود، تیز ہواؤں کے ساتھ بارش کا امکان

محکمہ موسمیات کا کہنا ہے کہ خیبرپختونخوا کے تمام علاقوں میں دو تین روز تک مطلع ابر آلود  رہنے اور تیز ہواؤں کے ساتھ بارش کا امکان ہے۔

محکمہ موسمیات کے مطابق آج بھی خیبرپختونخوا میں کہیں کہیں بارش ہوئی ہے جس کے ساتھ موسم خوشگوار ہوگیا ہے۔

محکمہ کے ذرائع کے مطابق گزشتہ روز چراٹ میں 15 ملی میٹر، مالم جبہ میں 6، کاکول اور دیر میں دو، دو اور ڈی آئی خان اور تیمرگرہ میں ایک ایک ملی میٹر بارش ریکارڈ کی گئی جبکہ چترال میں کہیں کہیں بارش ہوئی ہے۔

آج پشاور میں کم سے کم درجہ حرارت 29 اور زیادہ سے زیادہ 40 ڈگری سینٹی گریڈ جبکہ ہوا میں نمی کا تناسب 65 فیصد ریکارڈ کیا گیا۔