کراچی سے پشاور پہنچنے والی پی آئی اے کی پرواز پی کے-350 میں بم کی اطلاع موصول ہونے پر جہاز کی مکمل تلاشی لی گئی اور جہاز کلیئر قرار دے دیا گیا۔
خیال رہے کہ جہاز کے کپتان نے پشاور ایئرپورٹ پر لینڈنگ سے چند لمحے قبل کنٹرول ٹاور کو بم موجود ہونے اطلاع کی تھی۔
جس کے بعد لینڈنگ کے بعد جہاز کو پشاور ایئرپورٹ کے رن وے سے دور کھڑا کرکے مسافروں کو بحفاظت جہاز اتار لیا گیا تھا اور ایئر پورٹ پر بھی ایمرجنسی بھی نافذ کردی گئی تھی۔
ایئرپورٹ حکام کے مطابق قانون نافذ کرنے والے اداروں کے اہلکاروں نے جہاز کو حصار میں لے بم ڈسپوزل اسکواڈ کو طلب کرلیا تھا جس نے جہاز کی مکمل تلاشی لینے کے بعد محفوظ قرار دے دیا۔
حکام کا کہنا تھا کہ طیارے کے کراچی سے اڑان بھرنے کے بعد کپتان کو بم کی اطلاع موصول ہوئی تھی۔
اس سے قبل 23 نومبر 2015 کو پشاور سے دبئی جانے والی شاہین ایئر انٹرنیشنل کی پرواز کو بم کی اطلاع پر روک دیا گیا تھا۔
