عبدالولی خان یونیورسٹی کے ملازم جنید اختر کو جنسی ہراسیت کے کیس میں نوکری سے برخاست
وفاقی محتسب ریجنل سیکٹریٹ پشاور نے فیصلہ سناتے ہوئے پبی کیمپس کے کوارڈینیٹر جنید اختر کو نوکری سے برخاست کردیا ہے اور ساتھ ہی مجرم کو ڈھائی لاکھ روپے بطور جرمانہ آدا کرنے کا حکم بھی کیا ہے
عبدالولی خان یونیورسٹی مردان پبی کیمپس کے کوارڈینیٹر جنید اختر کو جنسی ہراسیت کے کیس میں نوکری سے برخاست کیا گیا۔
وفاقی محتسب ریجنل سیکٹریٹ پشاور میں عبدالوالی خان یونیورسٹی مردان کی خاتون لیکچرار لیلیٰ جبران نے پبی کیمپس کے کوارڈینیٹر جنید اختر کے خلاف جنسی ہراسگی کی شکایت درج کی تھی جس پر وفاقی محتسب ریجنل سیکٹریٹ پشاور نے فیصلہ سناتے ہوئے پبی کیمپس کے کوارڈینیٹر جنید اختر کو نوکری سے برخاست کردیا ہے اور ساتھ ہی مجرم کو ڈھائی لاکھ روپے بطور جرمانہ آدا کرنے کا حکم بھی کیا ہے۔
وفاقی محتسب کے فیصلے کی روشنی میں جنید اختر کو کسی بھی سرکاری ملازمت کیلئے نااہل کردیا گیا ہے۔
واضح رہے کہ خاتون لیکچرار کی شکایت پر یونیورسٹی انتظامیہ نے پبی کیمپس کے کوارڈینیٹر کا تبادلہ بھی کیا تھا۔
یاد رہے کہ ایک مہینے پہلے بھی وفاقی محتسب ریجنل سیکٹریٹ پشاورنے جنسی ہراسیت کے ایک کیس میں کڈنی سنٹر حیات میڈیکل کمپلیکس کے ڈاکٹر کو ڈھائی لاکھ روپے جرمانہ کیا تھا اور ان سے ایک سال کی اینکریمنٹس کاٹنے کا بھی حکم دیا تھا۔
