نوشہرہ، منگلوٹ پارک میں خوفناک آتشزدگی، ریسکیو 1122 آگ بجھانے میں مصروف

نوشہرہ کے علاقے نظامپور میں واقع منگلوٹ پارک میں نامعلوم وجوہات کی بناء پر آگ لگی ہے ریسکیو 1122 عملہ جسے بجھانے میں مصروف ہے۔

نمائندہ ٹی این این کے مطابق آتشدگی کی اطلاع پر ریسکیو 1122 کی فائر فائٹرز ٹیمیں جائے وقوعہ پر پہنچ گئی ہیں تاہم آگ انتہائی شدید اور مزید پھیل رہی ہے۔

ریسکیو 1122 کے مطابق پارک کے ایک حصے میں لگی آگ پر قابو پا لیا گیا ہے جبکہ دوسرے حصے تک رسائی ممکن نہیں۔

ریسکیو ذرائع کے مطابق منگلوٹ پارک  نظام پور میں محکمہ وائلڈ لائف کا سب سے بڑا پارک ہے جس میں آتشزدگی سے لاکھوں روپے مالیت کے جنگلات کو نقصان پہنچنے کا خدشہ ہے جبکہ جنگلی حیات کے نقصان کا اندازہ رات کی تاریکی کی وجہ سے لگانا مشکل ہے۔