ڈیرہ تعلیمی بورڈ کے سابق چئیرمین کو بدعنوانی کے جرم میں جیل بیھج دیا گیا

ڈیرہ اسماعیل خان تعلیمی بورڈ کے سابق چئیرمین کو بد عوانی کے جرم میں جیل بیھج دیا گیا، نیب کی مقامی عدالت نے ڈیرہ تعلیمی بورڈ کے سابق چئیرمین نور محمد کو اپنے عہدے کے غلط استعمال اور بورڈ کے لئے اراضی مہنگے داموں پر خریدنے کے جرم میں دو سال کی قید کی سزا سنائی ہے۔

عدالت نے اپنے فیصلے میں کہا ہے کہ ملزم کے خلاف مقدمے میں ٹھوس شواہد موجود ہیں اور دستیاب شواہد کی روشنی چئیرمین ڈیرہ تعلیمی بورڈ نے اپنے اختیارات کا ناجائز استعمال کیا ہے۔

یاد رہے کہ نور محمد کو 2014 میں گرفتار کیا گیا تھا  لیکن بعد میں پشاور ہائی کورٹ نے ضمانت پر رہا کردیا تھا۔ قومی احتساب بیورو خیبر پختونخواہ کے دعوئے کے مطابق بورڈ کے آراضی کے انتقال میں قومی خزانے کو نْقصان پہنچایا گیا ہے کیونکہ نور محمد نے تعلیم بورڈ کے لئے زمین حاصل کرنےکے حکومتی پیسے دو سال تک اپنے بنک اکاوٗنٹ میں رکھے تھے۔

نیب کے مطابق بورڈ کے لئے حاصل کی گئی اراضی کی مارکیٹ ویلیو تین لاکھ روپے فی کنا ل ہے جبکہ نورمحمد نے اسے بارہ لاکھ روپے فی کنال میں خریدی تھی۔