وفاقی وزیرعلی آمین گنڈا پور کو انتخابی ضابطہ اخلاق کی خلاف ورزی پر نوٹس جاری

ڈپٹی کمشنر ڈیرہ اسماعیل خان نے انتخابی ضابطہ اخلاق کی خلاف ورزی پر وفاقی وزیر برائے کشمیر و گلگت بلتستان امور علی امین گنڈہ پور کو نوٹس جاری کی ہے۔

ڈپٹی کمشنر آفس کی جانب سے جاری بیان کے مطابق علی آمین گنڈاپور کو اپنے بھائی فیصل آمین گنڈا ہور کے لئے اتنخابی مہم چلانے پر نوٹس جاری کیا گیا ہے۔

وفاقی وزیر علی امین گنڈہ پور جو کہ وفاقی وزیر ہیں، ضمنی انتخابات میں اپنے بھائی فیصل امین گنڈہ پور کی انتخابی مہم چلا رہے تھے۔

 نوٹس میں بتایا گیا ہے کہ ’آپ نے وفاقی وزیر ہونے کی وجہ سے الیکشن کمیشن کے ضابطہ اخلاق کے سیکشن 18 کی خلاف ورزی کی ہے، جس کے مطابق وزیر اعظم، وزراء اور دیگر سرکاری اہلکار انتخابی مہم میں شرکت نہیں کرسکتے۔

وفاقی وزیر سے کہا گیا ہے کہ وہ بذات خود یا اس کے وکیل کے ذریعہ وجوہات کی وضاحت کرنے کے سلسلے میں ایک تحریری بیان دو دن کے اندر اندر دفتر میں جمع کردیں، ناکام رہنے کی صورت میں اس کے خلاف انتخابی ایکٹ 2017 کے سیکشن 234 (3) کے تحت انکوائری کی جائے گی.

پاکستان تحریک انصاف نے فیصل امین گنڈا پور کو  پی کے 97  کا ٹکٹ دیا ہے۔ جہاں پر انکو پی پی پی کے امیدوار فرحان افضل سے سخت مقابلے کا سامنا ہے. جے یو آئی ایف کے امیدواروں عبید الرحمن نے پہلے ہی پی پی پی کے امیدواروں کے حق میں اپنے نامزد کاغذات واپس لے لی ہیں.