خیبر پختونخوا کے بیشتر اضلاع میں موسلا دار بارش، موسم خوشگوار ہوگیا

صوبائی دارالحکومت پشاور سمیت خیبر پختونخوا کے بیشتر اضلاع میں تیز ہواؤں کے ساتھ  موسلا دار بارش سے موسم خوشگوار ہو گیا تاہم بعض علاقوں میں آندھی اور طوفان کے باعث نظام زندگی درہم برہم رہا۔

پشاور میں گزشتہ شب گرج چمک کے ساتھ بارش جبکہ نواحی علاقوں میں ژالہ باری ہوئی جس سے فضاء میں خُنکی بڈھ گئی ہے دوسری جانب مردان اور گردونواح میں شدید آندھی اور طوفان کے ساتھ ہلکی بارش ہوئی، آندھی کے باعث درخت جڑوں سے اکھڑ کر سڑکوں پر آگرے جبکہ طورو اور کاٹلنگ میں دو مکانات کی دیواریں گرنے کے نتیجہ میں 2 افراد زخمی ہوگئے جنہیں طبی امداد کےلئے مردان میڈیکل کمپلیکس منتقل کردیا گیا ہے۔

محکمہ موسمیات کے مطابق آئندہ 24 گھنٹوں کے دوران پشاور سمیت صوبہ بھر میں تیز ہواؤں اور گرج چمک کے ساتھ مزید بارش کا امکان ہے جبکہ آج پشاور میں کم سے کم درجہ حرارت 17 اور زیادہ سے زیادہ 36 ڈگری سینٹی گریڈ رہے گا۔